Shillong, Nailur 25: U Bah Zosiama Thianglai, Sirdar ka Saipung Sirdarship hynne ka sngi Balang, u la leit kynduh ia u Lat ka jylla u CH Vijayashankar.
Ha ka jingiakynduh ia u Lat, u Zosiama Thianglai u la pynpaw ka jingsngewkmen halor ka jingioh ia ka lad ban ia kynduh ia u Lat bad u la ioh ban iakren ia ki mat kiba iadei bad ka bha ka miat bad ka roi ka par jong ka Elaka Saipung.
U Bah Zosiama la pynpaw ha u Lat ka Jylla haba iadei bad ka riewspah jong ka kolshor bad ki riti dustur jong ki briew ka elaka Saipung bad u la pan ka jingkyrshan na u Lat bad ka Sorkar Jylla halor ki mat bapher bapher kiba ïadei bad ka jingroi ka imlang sahlang jong ka thaiñ.
U Lat u la ïaroh ïa ka jingshimkhia jong u Sirdar na ka bynta ka bha ka miat jong ka imlang sahlang ha Saipung bad u la pynthikna ïa u ba ka Ophis Raj Bhavan kan bteng ban ai jingkyrshan ha kaban weng ïa ki jingeh jong ki paidbah ban ioh ia ka roi ka par.
