Shillong, Nailur 30: U Myntri Khynnah ka Sorkar Pdeng uba khmih (Independent Charge) ia ka Skill Development and Entrepreneurship, u Jayant Chaudhary, hynne ka sngi Nyngkong, ula leit ia kynduh ia u Lat ka jylla C.H. Vijayashankar ha Raj Bhavan, Shillong.
Ha katei ka jingiakynduh, u Myntri Sorkar ula iakren bad u Lat halor ki sienjam kiba kongsan na ka bynta ban kyntiew ia ki lad ki lynti kiba iadei bad ka Skill Development bad Entrepreneurship ha ka jylla Meghalaya.
Ula batai ruh shaphang ki skhim ka sorkar pdeng kiba dang iaid shakhmat ban pynkup bor ia ki samla khamtam ha kaba iadei bad ka sap ha ka die ka thied, ka jingthaw ia ki lad ban aikam aijam bad ban kyntiew ia ka jingseng kam lajong ha ka thaiñ.
U Lat ka jylla ula ai khublei ia ka tnad jongka sorkar pdeng kaba la pynleit jingmut ha kaban ai jinghikai ban pyntbit ia ki samla khamtam eh na ka Meghalaya, ha kaba ka don bha ka lad na ka bynta saindur ia ka sap ha kiba bun ki liang kum ka rep ka riang, ka kam jngohkai bad ka kam thain jingthaiñ tynrai.
Ula pynpaw ruh ia ka jingkongsan ban tei ia ka sap ka phong na ka byta ban kyntiew iaka roi ka par bad ka ioh ka kot bad ban pynbiang ia ki samla ia ki lad ban kamai jakpoh bad ula banjur ruh ha kaba iadei bad ka Agro-bases Industries bad Textile.
Ka jingialang kala kut da ka jingsngewtynnad ha kaba kila shim iaka jingkitkhlieh ban pynkup bor ia ki samla ia ki paidbah bad ki samla ka jylla Meghalaya lyngbaka Skill Development bad Entrepreneur.
 ia ka Skill Development and Entrepreneurship, u Jayant Chaudhary, hynne ka sngi Nyngkong, ula leit ia kynduh ia u Lat ka jylla C.H. Vijayashankar ha Raj Bhavan, Shillong.){kind=link}