Shillong, Naitung 27: U Myntri Rangbah ka Jylla u Conrad K Sangma ha ka sngi Nyngkong, ula iakynduh ia u Kitkupar Nongsiej ban ai khublei ia u halor ka jinglah jongu ban poi sha ka Top 5 Finalist ha ka World Championship of Performing Arts kaba la long ha Las Vegas, USA.
Haba pynpaw ia kane ha ka X, u Myntri Rangbah ula ong ba u dap da ka jingkmen ban iakynduh ia u Nongsiej bad iaroh ia ka jingjop ka jongu ha ka rynsan iakob ha ka pyrthei.
It was a pleasure meeting Kitkupar Nongsiej to congratulate him in person on his remarkable achievement of finishing among the Top 5 finalists at the World Championship of Performing Arts in Las Vegas, USA.
His talent, dedication, and hard work have brought pride to Meghalaya… pic.twitter.com/2mI08QwPw6
— Conrad K Sangma (@SangmaConrad) July 27, 2026
“Nga dap da ka jingkmen ban iakynduh markhmat ia u Kitkupar Nongsiej ban ai khublei ia u halor ka jingjop ka jongu bad ban ioh rung kum u Top 5 Finalist ha ka World Championship of Performing Arts ha Las Vegas, USA,” la thoh u Sangma.
U Myntri Rangbah ula pynpaw ba une u samla uba don ia ka sap ka phong, ka jingaiti lut bad ka jingtrei shitom ula wanrah nam bad burom ia ka jylla.
“Ka jingtbit ka jongu, ka jingaiti bad ka jingtrei shitom kala wanrah ia ka nam bad burom ia ka Meghalaya bad ai mynsiem ruh ia kiba bun ngut ki samla ba kin don ia ka jingangnud kaba heh” ula ong.
U Sangma ula bynrap ba ka sorkar ka dap da ka jingkmen ba kala ioh ban kyrshan ia u Nongsiej ha ka lynti ka jongu bad ka pynpaw ia ka jingkyrmen ba un iai jop shuh shuh ha ki por kiban dang wan.
“Sngewkmen ban kyrshan ia u ha ka lynti iaid ka jongu bad nga ngeit skhem ban iohi ia u ba un dang kiew shuh shuh shajrong, Nga kitbok ia u Kitkupar ba un iai bteng ban iai jop bad ula rah ia mynsiem bad ia ka sap jong ka Meghalaya sha ka pyrthei” la ong u Myntri Rangbah.
