New Delhi, Nailar 05: Ka kynhun ki Nongialam ka National People’s Party (NPP) na Meghalaya bad ki MLA ka party na Manipur bala ialam da ka MP Lok Sabha Agatha Sangma, kila iakynduh ia u Myntri kam Pohiing ka Ri Amit Shah hapoh ka Ophis jong u ha Parliament House ha ka sngi Thohdieng bad kyrpad ba un leh eiei noh ha kaban lah wanrah pat ia ka jingsuk ha Manipur.
Kane ka kynhun ka kynthup ia u MP ka Rajya Sabha Dr Wanweiroy Kharlukhi na Meghalaya, u M Rameshwar MLA ka NPP na Kakching AC Manipur bad u Nurool Hassan,
MLA ka NPP na Khetrigao AC Manipur.
Ha kane ka jingiakynduh, ka kynhun kala aiti ruh ia ka rai bala shim hapoh ka jingialam u Conrad K Sangma, National President ka NPP bad Myntri Rangbah ka Jylla Meghalaya bad bala soi lang da ki MLA ka Manipur bad Bah Prestone Tynsong National Vice President bad Symbud Myntri Rangbah ka Jylla Meghalaya nalor u James Sangma National General Secretary ka NPP.
Ka kynhun kala kyntu ia u Myntri ba un shim noh mar mar ia ki sienjam ha kaban wanrah pat ia ka jingshongsuk shongsain ha Manipur.Ka jinglong jingman ha Manipur kala wanrah ia shibun ki jingeh ia ki trai shnong bad ka kynhun kala kyrpad ia u Myntri kam Pohiing ba un tuklar lem ha kaban pynioh ia ki song jingiarap ban pynthikna ia ka jingshngain bad ka kamai ka kajih jong kito ki briew kiba shah ktah.
Ka kynhun kala kular ruh ba ka NPP kan ai kat kaba lah ia ki jingiarap ha ka ban lah wanrah pat iaka shongsuk shongsain ha Manipur bad ban ai jingiarap ha ka liang ki tiar bad marbam n aka bynta ki lanot ba shah ktah ha kane ka jingjia ha Manipur.
Pule ruh: Assam: Iap ka Hati khlaw bad 2 ki khun ba lympat bording elektrik ha khlaw Rani
 na Meghalaya bad ki MLA ka party na Manipur bala ialam da ka MP Lok Sabha Agatha Sangma, kila iakynduh ia u Myntri kam Pohiing ka Ri Amit Shah hapoh ka Ophis jong u ha Parliament House ha ka sngi Thohdieng bad kyrpad ba un leh eiei noh ha kaban lah wanrah pat ia ka jingsuk ha Manipur.){kind=link}