Shillong, Nailar 06 : Ka kynhun ba ialam da u Chief Executive Member (CEM) ka Khasi Hills Autonomous District Council (KHADC) Bah Shemborlang Rynjah, ha ka sngi Balang, kala iakynduh ia u Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong bad kyrpad ba un tuklar ha kaban pyllait noh mardor ia ka bhah khajna sha ka Council.
U CEM ula kynnoh ba kala don ka jingpynslem na ka liang jong ka Sorkar Jylla ban pyllait ia ka bhah khajna sha ka KHADC watla kiwei ki Autonomous District Council (ADC) kila dep ban ioh ia ka bhah lajong.
“Ngi la buddien ruh lyngba ki shithi ha ki khyndiat bnai bala leit hynrei haduh mynta ngin dang ban ioh ia ka bhah jong ngi. Kumta, ngi sngew ba ngi donkam ban iakynduh ia u Symbud Myntri Rangbah ban pynpaw ia ki jingsngewkhia jong ngi halor kane ka kam” ula ong haba iakren bad ki nongthoh khubor.
Haba kylli, u CEM ka KHADC ula iathuh ba u DyCM u khlem pynpaw satia ia kano kano ka daw ha lyndet ka jingpynslem ban pyllait ia ka bhah khajna jong ka KHADC.
“U (Prestone) la bthah ia u Ophisar ka Tnad ban khmih ia kane ka kam bad ban leh ia kaba donkam haba iadei bad ka bhah khajna” ula bynrap.
U Bah Shemborlang ula pyntip ruh ba ka kynhun kala pan ia ka jingkyrshan na ka Sorkar Jylla ban pynlong shuh shuh ia ki jingwad bniah halor ka Jaidbynriew Khasi.
 ka Khasi Hills Autonomous District Council (KHADC) Bah Shemborlang Rynjah, ha ka sngi Balang, kala iakynduh ia u Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong bad kyrpad ba un tuklar ha kaban pyllait noh mardor ia ka bhah khajna sha ka Council.){kind=link}