Shillong, Risaw 15: Ki dkhot jongka Manipuri Elders’ Consortium, Shillong (MECS) bad ka Shillong Manipuri Students Union (SMSU) hynne ka Sngi Balang kila pynlong ia ka jingiakhih ban pyrshah ia ka jingpynpra ia ka jingtei kaba don nam bad kaba la rim, ka Manipur Rajbari, ia kaba la tip ruh kum ka Redlands Bungalow.
Kine ki nongiakhih kila ialum.ha katei ka jaka ban dawa ba dei ban pynshitom pyrshah ia ki ophisar kiba la donkti ha kaban pynpra ia katei ka iing kaba la don shispah snem ha Laitumkhrah, myn ha ka 8 tarik u Risaw.
Katkum ka jingpynpaw u PRO ka MECS u K Chirom, ia katei ka jingpynpra la leh hapoh ka jingbthah jong ka Planning bad ka Development Authority, jongka Sorkar Manipur, kaba iaid ryngkat bad ki Development Plan kiba la tyrwa da ka Department of Art and Culture.
Ki nongiakhih kila pynrem jur ia kateu ja jingpynpra ia kaba la shu leh hak dak watla kala don ka jingkyrpad la bunsien ha kine ki shi bnai kiba la dep phah sha ka tnad sorkar ban wad ia ki lad ki lynti ban pynneh pynsah ia katei ka jingtei kaba la rim kumba ka long, da kaba pynjulor malu mala bad ban sumar sukher bha.
Ki nongiakhih kila dawa ia ka jingpynshai bad ban leh da kaba tyngeh pyrshah ia ki ophisar kiba donkti ha kaban ai bor bad ban pynpara. Kila dawa ruh ba dei ban pynsangeh mardor ia baroh ki jingtrei bad ki jingtrei kiba nangne shakhmat ha katei ka jaka tad haduh ban da pynlong ia ka jingtohkit kaba bniah bad ki briew kiba donkti kin shim ia ka jingbahkhlieh.
Nalor kabe ka MECS bad SMSU kala pyrshah jur ia ka committee kaba la thaw da ka sorkar kaba la bynshet ban khmih bniah bad ban pyniaid ban tei biang ia katei ka Bungalow. Kila pynpaw ba ki riewshimet kiba donkti ban pynpra kim dei ban donbynta biang ha ki kam ban pynneh pynsah biang.
Kila kyntu ban thung ia ka committee kaba laitluid kaban kynthup ia ki riewstad bad ki Architect kiba tip bha halor ki Anglo-Assamese design bad ki riewshemphang kiba tbit bad kiba don ia ka jingshemphang bad ka jinglong jingman ka suinbneng bad ka kolshor.
 bad ka Shillong Manipuri Students Union (SMSU) hynne ka Sngi Balang kila pynlong ia ka jingiakhih ban pyrshah ia ka jingpynpra ia ka jingtei kaba don nam bad kaba la rim, ka Manipur Rajbari, ia kaba la tip ruh kum ka Redlands Bungalow.){kind=link}