Shillong, Rymphang 05 : Ka Jaintia National Council (JNC) ha ka sngi Palei, kala pynlong ia ka jingiakhih ba syndet syndet da kaba iatur sha ka Ophis ka Jaintia Hills Autonomous District Council (JHADC),haba pynrem ia ka jingsngap man man ka Council ban leh eiei ia ka jingkhaii beain ki bar jylla bad ka jingbym pyntreikam ia ki dak thok Pnar.
“Ngi la dep thoh sha ka JHADC ryngkat ka jingdawa ban pynlong ia ka jingkhynra ia ki kam khaii beain jong ki bar jylla, hynrei ym shym la leh eiei satia haduh mynta” ong u President ka JNC Bah Sambormi Lyngdoh.
“Ka JHADC kala mynjur ia ka resolution ban ithuh noh ia ki dak thok Pnar bad ka ktien Pnar, hynrei haduh mynta ym pat pyntreikam satia”.
Ula ong ba ka JNC kala dawa ban pynduh noh ia ka jingai trading licence sha ki bar jylla, pyntreokam ia ka ktien Pnar ha ki kam Ophis bad ban pynlong ia ka Dorbar Kyrpang ban pynshlur ha kaban pyndonkam ia ki dak thok bad ka Ktien Pnar.
“Ka jingthmu jong ka jingiakhih kam dei satia ban pynthut ia ka jinglong ka suk ka sain, hynrei ban pynkyndit bynriew ia ka JHADC ba kan iada ia ka hok bad ka bha ka miat jong ki trai ri muluk” bynrap u Bah Sambormi.
 ha ka sngi Palei, kala pynlong ia ka jingiakhih ba syndet syndet da kaba iatur sha ka Ophis ka Jaintia Hills Autonomous District Council (JHADC),haba pynrem ia ka jingsngap man man ka Council ban leh eiei ia ka jingkhaii beain ki bar jylla bad ka jingbym pyntreikam ia ki dak thok Pnar.){kind=link}