-->

Ïakhaid ka Mawlai SC bad ka Ryntih SC haka SPL 2023

Date:

Share post:

Shillong, Mar 23: Ka Mawlai SC bad ka Ryntih SC kila iakhaid da 1-1 ha ka jingiakhun ha ka Shillong Premier League 2023 kabala long hynne ka sngi saitjaiñ.

U Khrawkupar Jana ula thep ia ka kol ha ka minit kaba 46 na ka bynta ka Mawlai katba u Yami Longvah ka Ryntih ula thep ia ka kol ha ka minit kaba 66 ban pyniakhiad iaka jingiakhun bad ka Mawlai.

Ka Mawlai kala ioh ia kato katne tylli ki kabu hynrei kam shym la lah ban thaw pyrthei eiei, katba ka Ryntih kala ioh ban thep 2 tylli ki kol hynrei ym shim la khein satia ia kitei ki kol namar ka ‘Offside’.

Ïakhaid ka Mawlai SC bad ka Ryntih SC haka SPL 2023

U David Lalchhuanawma ka Mawlai ula ioh thep ia ka kol ha ka minit kaba 16 hynrei ym shim la kheiñ namar ba kadei ka Offside bad wat haba u Pynbha Suting ula shut iaka bol na jngai hynrei katei ka bol kam shym la rung shapoh kol hynrei kila kiew noh shajrong bad lait sharud.

Ki nongialehkai ka Mawlai kila ioh biang arsien ia ka lad hynrei u nongap kol ka Ryntih u Frolicson Dkhar ula ioh ban iada ia ka bol ban rung shapoh kol.

Ka Nangkiew Irat SC kan iakhun pyrshah ia ka Nongthymmai SC ha ka sngi Nyngkong ha ka por 3 baje mynsngi.

Ka Nangkiew Irat kala dep jop shisien katba ka Nongthymmai kam pat jop satia.

Share post:

-->
spot_img

Popular

More like this
Related

Pynbna ka ECI ia ka Special Summary Revision ka electoral roll | Ka thup ba khatduh ha ka 20 tarik J’lyngkot

Shillong, Naiwieng 17: Ka Election Commission of India (ECI)...

Sikkim | Ujor ka BJP Women’s Wing ia u nong Meghalaya ba kynthoh khlem rain ia ka Sikkim bad Gangtok

Gangtok, Naiwieng 17: Ka BJP Sikkim Mahila Morcha kala...

Buhthong ka Meghalaya ban long ka AI Valley ka Ri India, ong u Conrad Sangma

Shillong, Nov 17: U Myntri Rangbah ka Jylla Conrad...