Shillong, Rymphang 13: U Symbud Myntri Rangbah ba khmih ia ka PWD (Roads) Bah Prestone Tynsong ula pynpaw ia ka jingsngewskhem baka jingshna ia ka surok Shillong-Dawki ba kan long ka jingmyntoi kaba khraw bad pyntip ba ka jingshna ia ka surok Four-Lane ka lah jan dep artad.
“Wat ka four-lane nga tharai phi lah iohi, la kumno kumno ruh ngi lah don ha ka bynta kaba khatduh (ban shna pyndep)” ong u Bah Prestone haba iakren bad ki nongthoh khubor hynne ka sngi Thohdieng.
Ia kane ka project la phiah ha ki 5 tylli ki Package, ia kaba la sakhi ia ka jingiaid shakhmat jongki kam ki jam, ha kaba ka Package II, IV bad V kala jam shakhmat bad ka long ha ka rukom kaba hun.
Ia ka Pynursla Bypass la khmih lynti ban ioh pdiang noh shen na ka NHIDCL ia ka tarik ban sdang noh ia ka kam.
“Hapoh kine ki khyndiat taiew nangne shakhmat, ka NHIDCL kan sa pynmih ia ka tarik ia ka kompani ba kan sdang noh ia ka jingtrei” ong u Bah Prestone.
U Bah Prestone ula pynshai bniah halor kane ka projek, kaba kynthup ia ka Package I kaba la pyniar shaduh mar pyrshah ia ka Pomlum PHC, ka Package II haduh ka Laitlyngkot bad ka Package IV kaban sdang na Pynursla.
 Bah Prestone Tynsong ula pynpaw ia ka jingsngewskhem baka jingshna ia ka surok Shillong-Dawki ba kan long ka jingmyntoi kaba khraw bad pyntip ba ka jingshna ia ka surok Four-Lane ka lah jan dep artad.){kind=link}