Shillong, Risaw 20: Ka seng Hynniewtrep National Youth Movement (HYNM) hynne ka sngi kala pynlong ka jingiaid paidbah na u mot Kiang Nangbah Civil Hospital sha Secretariat bad pyllun ka IGP kum shi bynta ban dawa naka sorkar ba kan thaw daka policy thungkam ba 80% iaki trai jylla haki kompeni shimet.
Haba kren ha kane ka sngi u president ka HNYM bah Louis Dohtdong ula ong baka seng naduh u bnai Naitung kala buh dorkhas sha u Myntri Rangbah ka jylla ban thaw policy ia ka thungkam ba 80% iaki trai jylla haki kompeni shimet hynrei haduh mynta ka sorkar kala shu sngap mynthi.
U bah Louis ula ong baka jylla kala dap 50 snem naduh baka ioh jylla laka jong hynrei haduh mynta ka jylla kam don satia ia kata ka policy ban thungkam iaki samla la kadei haki kompeni shimet ne haki tnat treikam sorkar ka jylla.
“Namar ka sorkar jylla ka leh mynthi iaka jingdawa thaw policy thungkam iaki trai jylla haki kompeni shimet, ka seng kam banse ban wer iaki samla ban wan sha kane ka jingiaid paidbah ban pynsngew iaka jingeh ki samla khamtam ki samla ba dep jingpule” la ong u bah Louis.
U bah Louis ula ong ba kane ka jingbym don ain thungkam ka buh jingeh iaki samla ban ioh kam bad dei namar kane ka jylla kala sakhi iaka jingkyrni ki jait drok bad kiwei ki kam beain hapoh ka jylla.
