Shillong, Rymphang 21 : Ki bor pahara ba kynthup ia ka Meghalaya Police bad ki Central Agency, kila iaid flag march hynne ka sngi ha Khliehriat Constituency, East Jaintia Hills, ban pynshlur ia ki nongthep vote ba kin iamih paidbah ban thep ia ki vote jong ki ha kane ka elekshon MLA ban long ha ka 27 tarik Rymphang.
Ia kane ka Flag March la pynlong hynne ka janmiet por 1 baje eiei bad ka thong hi ka long ban weng ia ka jingtieng jingsmiej na ka jingmut jingpyrkhat jong ki paid Nongthep Vote ba kin leit thep ia ki vote khlem ka jingsheptieng iano iano ruh.
Kane ka Flag March ka dei kaba la ialam da u Returning Officer (RO) ka Khliehriat Constituency bad u SDPO (Sadar).
Ki jaka kiba la pynlong ia ka Flag March ki kynthup ia ka Dkhiah, Ladrymbai, Rymbai, Iapmala bad Byndihati.
