New Delhi, Nailar 13: Arsngi shuwa ka jingraka ka Ri ia ka Independence Day, u Myntri Rangbah Duh ka Ri Narendra Modi ha ka sngi U Blei ula kyrpad ia baroh ki Nongshongshnong ba kin kyrshan ia ka ‘Har Ghar Tiranga Movement’ ne ban pynher lama lai rong hala ki jong ki Iing ki sem.
Haba kynthoh ha ka X bala tip mynshuwa kumka Twitter, u PM ula kyntu ia ki nongshongshnong ba kin bujli ia ki dur ba ki buh ha ki social media da ka lama lai rong ka ri kum shibynta jong ka campaign.
U Myntri Rangbah Duh ka Ri dalade ula buh ia ka dur jong ka lama lai rong ha ki rynsan social media.
“Ha ka nongrim jong ka Har Ghar Tiranga Movement, to ngin ia bujli ia ki dur jong ngi ha ki rynsan social media bad ban ai ka jingkyrshan ia kane ka sienjam ba kham pher ka ban nang pynkhlain ia ka jingiadei hapdeng jong ngi bad kane ka Ri kaba ngi ieid eh” ula ong.
Kane kala mih hadien ba u Modi ula kyrpad ia ki nongshongshnong ban iashimbynta ha ka ‘Har Ghar Tiranga’movement ka ban long naduh ka13 tarik Nailar haduh ka 15 tarik Nailar.
Ka Ri India kala pynkhreh shaid shaid ban rakhe ia ka jingdap 77 snem ka jingioh laitluid ka Ri. Ka jingpynkhreh pynkhrum bad ki drill kila iaid shaid shaid ha Red Fort, Delhi.
