Husiar phi ki Nongthied Nongpet ba bun ki nongkloh pla ha Iewduh

Date:

Share post:

Shillong,Jylliew 15: Jan man la ka sngi ki bor ba pyniaid ia ka Iewduh, kata ka Hima Mylliem ki hap ban pyn kynmaw beit ia ki paidbah ba wan die jingdie lane kiba wan thied wan pet ba kin long kiba husiar haba ki rung shapoh ka iew na ka daw ka jingbun palat ki nongkloh pla.

Haba pyrshang ban wad bniah ia kane na u Myntri ba dei peit ia ka Iew, Myntri K Langstieh u la ong ba katei ka jingpynkynmaw lyngba ki kor pynsawa ha baroh kawei ka iew ka dei namar jan man ka por ki ioh pdiang beit ia ka jingujor ba ka don ka jingshah tuh ka pla pisa, lane ki mar ki mata ba ki rah.

“Watla na ka liang ka Hima ngi la phah pahara kylleng hynrei kine ki jingjia ki iai bteng bad na kane ka daw ngi la hap ban pynkynmaw bun sien wat ha ka shisngi ruh ia ki paidbah ba kin long kiba husiar,” u la ong.

Haba ioh pat ban iakren bad katto katne ki nongshong iew ki la iathuh ba kane ka jingjia shah kloh pla ka la pur kylleng mynta jan ha baroh ki basa kiba don ha Iewduh.

“Ngi ruh ngi ju pynkynmnaw ia ki paidbah kiba wan thied jingthied ba kim dei ban ieng ha ki jaka ba khapngiah namar ha ka por ba kim poi pyrkhat ki nongtuh kin sa shu ot ia ka pla pisa lane kin shu jynrat ia kaei kaba ki rah ha kti,” ong i longkmie ba die jingdie ha iew die lang.

Uwei pat u rangbah ba die mar khutia, u la ong ba katta snem ba ki don ha iew kim ju kham iohi koit ka jingbun nongtuh kumba long ha kane mynta khamtam hadien ka jingkhangdam. “Ka rukom kloh pla kine ki briew kaba pher bha namar ki paidbah ki tip ba la jah ka pla pisa lane ka tiar ba ki rah ynda ki la poi ha ki jaka ba kylluid briew,” u la ong.

Na ka liang ki nongshong iew ruh ki kyntu ia ki paidbah ba katba lah ki dei ban kiar katba lah ban iaid na ki jaka ba khapngiah lane haba ki rung sha iew ki dei ban da buh bha ia ka pla pisa lane ki tiar ba donkam ba ki rah.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...