Shillong, Naiwieng 21 : Ki samla ba iakhun kam Pulit bad ba hap ialeh ia ka eksam Physical Efficiency Test (PET), kin hap ban husiar bha namar ka jingmih jong ki riew shukor kiba apthap ban kjit pisa da ki kam thok kam shukor.
Ia kane la pyntip da ka Central Recruitment Board (CRB) jong ka Tnad Meghalaya Police, kaba pyniaid ia ka eksam thung kam ia ki Pulit.
U Inspector General of Police (IGP) cum Chairman ka CRB Dalton P Marak, ula pynmih ia ki jingbthah ba pyntip ba kila mih ki riew shukor kiba pan pisa na ki kyrtong ba iakhun ia ka eksam PET ka Tnad Pulit, ba kin pynpass ia ka eksam.
Kine ki runar kila phah siew ia ka pisa lyngba ka UPI, Google Pay bad kiwei kiwei ki lad jingsiew kor online.
Namar kane, ula bthah ia baroh ki kyrtong ba kin nym ngop ha ki jingpynbiej jong kine ki riew shukor bad lada ki don eiei ba kin kylli, kin phone sha ka Ophis ka CRB ha Mawroh, Shillong ne phone ha u helpline number 6033164273.
, kin hap ban husiar bha namar ka jingmih jong ki riew shukor kiba apthap ban kjit pisa da ki kam thok kam shukor.){kind=link}