Shillong, K’lyngkot 15 : U Myntri Rangbah ka Jylla Conrad K Sangma ula pyntip ba lah hukum ban pynlong ia ka jingtohkit halor ka jingpluh jong ka Shillong Engineering College ha ka step sngi Palei ha Kynton Massar.
U Conrad ula iathuh ba ka Sorkar kala lum jingkhein ia ka jingheh ka jingjulor na kane ka ding bad pyntip ba kane ka ding kala ktah tang ia kawei ka mala bad la lap ba kloi pynlip noh ia ka.
“Ngam don satia ia ka jingtip ba pura bad nga, hynrei nga lah ban iathuh ha phi ba ia ka ding la lah ban pynlip mar mar bad ym shym la don kiwei pat ki mala kiba shah ktah” ula ong.
U Conrad ula pynpaw ia ka jingkmen ba ym shym ka don kano kano ka jingjia ba sngewsih ha kane ka jingpluh. “Da ka jingiada u Blei, ym shym la don kano kano ka jingjia ba sngewsih…hynrei hooid, kala don katto katne ka jingjulor, hynrei ngam don ia ka jingtip ba pura bad nga” ula bynrap.
