Tura, Naiwieng 02 :Ka Iingkashari District Session Judge bad Special Judge (POSCO) ka Tura, kila hukum ban set phatok ia lai ngut ki runar kiba donkti ban leh beijot ia ki Khynnah ha ki khyndiat snem bala leit hapoh ka District.
Uwei napdeng kine u dei u Nenggrik D Sangma uba la leh beijot ia kane ka khynnah skul katba ka dang wan phai na skul shala iing. Kan eka jingjia kala jia ha ka 2 tarik u Jylliew 2017.
Ki Pulit ka Tura Women Police Station kila register case ia kane ka kam bymman hapoh ka kyndon 366/368/376 IPC bad la chargesheet ia ka ha ka 1 tarik Jymmang 2018.
Ka Iingkashari District & Session Judge ka West Garo Hills kala pynngat ia une u runar hapoh ka kyndon 368/376 IPC bad hukum ban shong along haduh 4 snem bad ka kuna ba T. 20000 halor ka kyndon 368 IPC bad 7 snem lem bad ka kun aba T.50000 halor ka kyndon 376 IPC. Lada ym lah ban siew ia kine ki kuna un hap ban shong along sa lai bnai.
Uwei pat u dei u Lukias G Momin uba leh leh khlemakor ia kawei ka khynnah b aka 18 tarik Rymphang 2016 bad ia kane ka case la register hapoh ka Tura Women Police Station kat kum ka kyndon 11(i)/12 jong ka POCSO Act.
Ka Iingkashari haba bishar ia kane ka case, kala shem ba une u briew ula donkti ha kane ka kam bad pynngat ia u hapoh ka kyndon 71 IPC bad kyndon 42 jong ka POCSO Act, 2012 haba hukum ban set along 6 bnai lem bad ka kun aba T. 60000.
Uwei pat u dei u Arindom Das uba la jrong kti ia kawei ka khynnah ha ka 16 tarik Jymmang 2016 ia kaba la register case hapoh ka Tura Women Police Station kat kum ka kyndon 7/8 jong ka POCSO Act.
Ka Iingkashari kala shem ba une u runar u donkti ha kane ka kam bad pynngat ia u hapoh ka kyndon 8 pule lang bad ka kyndon 18 jong ka POCSO Act 2012.
Ka Iingkashari kala hukum ban set along ia une u briew haduh 1 snem shiteng lem bad ka kun aba T. 20000 bad lada ym lah ban siew, un hap ban shong along sa 6 bnai.
