Shillong, Rymphang 24 : Ka Iingkashari Special Judge (POCSO) ka West Jaintia Hills, kala hukum ban set along 12 snem ia uwei u rangbah namar ka jingleh beijot iala ka khun ruit ba 11 snem ka rta bad byrngem byrsit ba kan sngap jar.
Une u briew u kyrteng u Duh Timung na ka shnong Barato, uba la shah rai pynrem hapoh ka kyndon 5(m)/6 jong ka POCSO Act bad kyndon 506 jong ka IPC.
Kat kum ka jingong ki Pulit, kane ka kam bymman ka dei kaba la jia ha ka 22 tarik Nailur 2018, bad kat kum ka ejahar, la kynnoh ba une u briew ula leh beijot iala ka jong ka khunruit haduh arsien.
Haba nyngkong, une u briew la phetrieh na ka kti ka ain hynrei la ioh ban kem ia u ha ka 17 tarik Nailur 2019. Ia ka case la register ha Nartiang Police Station bad la chargesheet hadien ka jingtohkit.
Hadien ka jingbishar, ka Iingkashari kala hukum ban set phatok 10 snem ryngkat ka kuna ba T.10,000 hapoh ka POCSO Act bad 2 snem lem bad ka kun aba T.5000 hapoh ka kyndon 506 IPC.
 ka West Jaintia Hills, kala hukum ban set along 12 snem ia uwei u rangbah namar ka jingleh beijot iala ka khun ruit ba 11 snem ka rta bad byrngem byrsit ba kan sngap jar.){kind=link}