Shillong, Nailar 20 : Ka Sorkar Jylla kala ai jingmynjur ia ka hukum ban set phatok haduh shisnem ia ki 5 ngut ki snar nongkhaii droks hapoh ka Prevention of Illicit Trafficking in Narcotic Drugs & Psychotropic Substances Act (PITNDPS) 1988, ia kaba bun na ki, ki dei kiba la shah kem la bunsien.
Ia kane la pyntip da u Myntri ka Tnad Social Welfare Bah Paul Lyngdoh uba iathuh ia kane ka hukum set phatok la pynmih da ka Advisory Board ki lai ngut ki dkhot bala khlieh da u Retired Chief Justice, hapoh ka kyndon 31 jong ka PITNDPS.
Kine ki san ngut ki snar nongkhaii droks ki dei : Pynhoi Nongtdu ba khot sin u Pun (35) jong ka Thadlaskein police station, West Jaintia Hills ha ka 22 tarik Nailar 2024, u Hubert Lamphrang Paliar ba khot sin u Lungrit (22) na Mawiong Pyndengrei, Nongstoin West Khasi Hills ha u Kyllalyngkot 2025, u Marwil Nangbah ba khot sin u Marwil (49) na Lumpariat, Jowai West Jaintia Hills, Rintu G Saika ba khot sin u Pratap (35) na Nongrim Hills, bad ka Aisha Khatoon ba khot sin ka Pahari (50) ba na Lower Paltan Bazar.
“Nga sngewtynnad ban pyntip sha phi ba naduh u Nailar 2024 haduh mynta, ngi la lah ban ai jingmyn jur ia ka hukum set phatok iaki san ngut ki snar khaii droks. Ia kine ki case la phah sha ka Advisory Board ki lai ngut ki dkhot bala khlieh da u retired Chief Justice bad halor ka jingmynjur jong kane ka Board, la phah ia ki hapoh ka kyndon 31 jong ka Prevention of Illicit Trafficking in Narcotic Drugs & Psychotropic Substances Act (PITNDPS) 1988” ong u Bah Paul haba iakren bad ki nongthoh khubor ha ka sngi Balang.
U Myntri u pyntip ba ka Sorkar kala nang pynkhlain ia ki jingpyrshang ban buddien bad tehlakam ia ka iaid ka ieng jong ki nongkhaii droks hapoh ka Jylla.
U iathuh ba ki don shibun ki case kiba la ioh ban kem, kynthup ka jingioh kurup ia u droks ba shongdor T. 4 klur na East Jaintia Hills, kaba dei kawei na ki jingkurup ba heh duh ia mynta.
Ban pynshlur ia ki dkhot ka Anti- Narcotics Task Force (ANTF), u Myntri dalade un sa aiti ia ki song pisa bad ki syrnot sha kito kiba shlur ban buddien bad kem ia kiba donkti.
Ka jingialang ban pynkup burom kan long ha ka Directorate ka ANTF, Golflink la sngi Palei ha ka por 12:30 baje janmiet.
 1988, ia kaba bun na ki, ki dei kiba la shah kem la bunsien.){kind=link}