Shillong, Rymphang 26 : Ka Iingkashari Special Judge (POCSO) kala hukum ban set along haduh 14 snem ia u nongleh beijot ia khynnah ha u snem 2017 ha ka shnong kaba hap hapoh ka Mawngap Police Station.
Une u runar u kyrteng u Shaiphir Khasain Shabong uba la shah pynngat ha ki kyndon jong ka POCSO Act bad ka IPC. Ki kyndon bala pynngat ia u ki kynthup ia ka kyndon 6 POCSO Act pule lang bad ka kyndon 376 (2) (i) (n)/506 IPC (Special POSCO case No. 61 of 2017),
Kat kum ka jingpyntip u Superintendent of Police ka East Khasi Hills Bah Vivek Syiem, ka Iingkashari jong ka Special Judge SG Momin, kala hukum ban set along ia une u runar haduh 14 snem lem bad ka kuna ba T.1500 ne shong along lai bnai lada ym lah siew, halor ka kam ba ula leh kaba hap hapoh ka kyndon 6 jong ka POCSO Act.
Ka Iingkashari kala hukum ruh ban set along 14 snem bad a kuna ba T.15000 ne ka shong along ba 3 bnai lada ym lah siew, halor ka kam ba ula leh kaba hap hapoh ka kyndon 376(2)(i) jong ka IPC.
Ka Iingkashari kala hukum ruh ban set along 2 snem lem bad ka kun aba T.5000 ne shong along ba 1 bnai lada ym lah siew, halor ka kam ba ula leh kaba hap hapoh ka kyndon 506 IPC.
Ia kane ka case la register ha Mawngap Police Station bad la tohkit ia ka da ka WPSI L Kharjana jong ka EKH DEF.
