Nongsoin, Lber 28 : Ka Iingkashari Special Judge (POCSO, West Khasi Hills, kala hukum ban set along haduh 35 snem ia uwei u briew halor ka jingdonkti ban leh beijot ia iwei I Khynnah ha u snem 2019 ha kawei ka Shnong ba hap hapoh ka West Khasi Hills District.
Une u runar u kyrteng u Pateja O Sangma ia kaba ka kashari kala tian bishar ia u kat kum ka Mawshynrut PS Case bala pynngat hapoh ka kyndon 5 (j)(ii)(l)(n)/6 jong ka POCSO Act pule lang bad ka kyndon 506 Part II ka IPC.
Kat kum ka jingpyntip u Superintendent of Police, ka Iingkashari kala pynmih ia kane ka hukum ha ka 23 tarik Lber.
Ka Iingkashari ha kane ka hukum, kala pynngat ia une u runar ban shong phatok haduh 30 snem bad ka kuna ba T. 50,000 kat kum ka kyndon 6 jong ka POCSO Act ryngkat ka kyndon ban set tam 6 bnai lada ym lah siew ia ka kuna lem bad ka hukum ban set 5 snem bad ka kuna ba T. 5000 kat kum ka kyndon 506 Part II jong ka IPC.
