Nongstoin, Naiwieng 18 : Ka Iingkashari u Special Judge (POCSO) West Khasi Hills, kala hukum ban set along haduh 25 snem kynthih ia u nongleh beijot ia iwei i Khynnah 6 snem ha u snem 2014 hapoh ka District.
Une u Nongleh beijot u kyrteng u Kelding Thongni uba la shah rai pynrem halor kane ka kam bymman naduh ka 15 tarik u Risaw 2022 bad u dang ioh ia ka jingpynsajia ha ka 15 tarik Naiwieng.
Kat kum ka kyrwoh na u Superintendent of Police ka West Khasi Hills, la ong ba ka Iingkashari kala pynngat ia une u nongleh bymman ban shong along haduh 25 snem lem bad ka kuna ba T. 50,000 lane ka jingshong along tam sa hynriew bnai lada ym lah siew ia ka kuna.
Kane ka case ka dei jong ka Nongstoin Police Case No. 67(06) 2014 bala register hapoh ka kyndon 376 (2) IPC pule lang bad ka kyndon 3 (a) /4 jong ka POCSO Act.
Une u Heh Pulit ula pyntip ba kane ka kam leh beijot kala jia ha u bnai Iaiong bad Jymmang jong u snem 2014 ha kawei ka shnong kaba hap hapoh ka Nongstoin Police Station.
