Shillong, Lber 06 : Ka kynhun Anti-Narcotics Task Force (ANTF) ha ka sngi Thohdieng, kala ioh kurup ia u heroin bad u crystal methamphetamine ba palat 10 kilo, kiba shongdor haduh T. 51.13 klur ha ka jingtalasi kali ha East Jaintia Hills.
Kane ka jingioh kurup ka dei ruh kaba heh tam jong ka ANTF haba pynshong nongrim na ka dor jong kine ki jingdih pynbuaid.
Ki Pulit kila pynieng ia ka Tata Sumo MZ01-M-8625 kaba shong arngut ki briew bad u nongniah. Na kawei ka kynthei ba don ha kali, la ioh kurup haduh 19 tylli ki synduk sabon plastic ba thep ia u suba heroin ba khia 203.7 gram.
Kila ioh kurup ruh ia ka trolley bag rong blue kaba dei jong uwei pat u briew ba shong ha kane ka kali, bad ioh kurup ia u methamphetamine ba 10.145 kilo.
“Ha ka jingbishar la suba kine ki briew ki dei jong ka kynhun shalan droks na kawei ka jylla sha kawei pat” ong u Assistant Inspector General of Police (A) ha ka kyrwoh.
Ka ANTF kala register ia ka case hapoh ki kyndon ka NDPS bad ka jingtohkit ia kine ki briew kala iaid shakhmat.
 ha ka sngi Thohdieng, kala ioh kurup ia u heroin bad u crystal methamphetamine ba palat 10 kilo, kiba shongdor haduh T. 51.13 klur ha ka jingtalasi kali ha East Jaintia Hills.){kind=link}