Shillong, Nailar 31 : Ka Iingkashari Meghalaya High Court kala bthah ban pynbteng shuwa ia ka hukum ba shipor ba bthah ia ka Sorkar Pdeng ban pdiang ia kiwei pat ki kot ki sla ban pynithuh ia ki briew ki bym lah ban ai ia u Aadhaar number lane ka card.
“Ka hukum ba shipor jong ngi ba 21 tarik Naitung, 2025, ka bthah ia ki bor Sorkar ban pdiang ia kiwei pat ki kot ki sla ba lah ban pynithuh ia ki briew tad haduh ba kila ioh aadhaar card” ong ka division bench ba kynthup ia u Chief Justice IP Mukerji bad Justice W Diengdoh ha ka hukumba pynmih ha ka sngi Saitjain (30 Nailar) hadien ba shong bishar ia ka PIL u Greneth M Sangma.
Ka Unique Identification Authority of India (UIDAI) kala file ia ka affidavit ban pyrshah wat hadien ka jingbthah halor kane la leh da kane ka Iingkashari.
Ia ka PIL la buh ban sa shong bishar biang ha ka 17 tarik Nailur, 2025.
