Guwahati, Nailar 31: Ka Asian Development Bank (ADB) ka la mynjur ia ka ram kaba $125 million ban nang pynbun ia ki jingtei ha sor, ban pynkhlain ia ki lad ialeh pyrshah ia ka jingkylla ka suinbneng, bad ban pynbha ia ka jingshakri ha ki 6 tylli ki nongbah jong ki District ka Assam bad ka nongbah Guwahati.
Ka Assam Urban Sector Development Project kan ai jingmyntoi beit beit ia kumba 3,60,000 ngut ki nongshong shnong da kaba pynthikna ia ka jingpynbiang um kabym duh bad ki rukom tyngkai ia ka um slap kiba mynta da kaba pyndonkam ia ki meter ne ka metered water supply and modern stormwater management systems bad kiwei kiwei.
“Kane ka projek pynkylla dur kan ym pynbha tang ïa ki jingshakri ba kongsan hynrei kan pynkupbor ruh ïa ki shnong ki thaw, khamtam ïa ki kynthei bad ki kynhun kiba shah iehnoh beiñ, lyngba ki jingtei kiba kynthup lang ïa ki jingtei kiba lah ban ïakhun pyrshah ïa ka jingkylla ka suiñbneng bad ka digital governance,” ong u Mio Oka na ka ADB Country Directory for India.
Ki jingbei tyngka ba kongsan ki kynthup ïa ki hynriew tylli ki water treatment plant kiba lah ban sam um 72 million litre ha ka shisngi, ryngkat bad ki pipe sam um kiba jngai 800 kilomitar ha Barpeta, Bongaigaon, Dhubri, Goalpara, Golaghat, bad Nalbari.
Ha Guwahati, ia ka stormwater management yn pynkhlain ha ka Bahini Basin lyngba ki diversion channels, ki lynti pyntuid um ba la pynbha, bad ka pung pynlang um kaba pynshong nongrim ha ka mariang kaba thmu ban pynduna ia ka jingshlei um bad ban pyndap biang ia ka um hapoh khyndew.
Ka projek yn sdang ruh ha Assam State Institute for Urban Development ha ka jingiatreilang bad ka IIT Guwahati, ban wanrah ia ki GIS-based property tax databases, digital billing, bad ka volumetric water tariffs ban kyntiew ia ka pisa ka tyngka.
Ka jingpynrung lang ha ka imlang sahlang ka pynlong ia ka jingthmu kaba khlain, bad ka sienjam ban ai jinghikai ia ki self help group jong ki longkmie ha kaba iadei bad ka water operations, bad ban tyrwa ban leh internships na ka bynta ki college kynthei bad ruh ia ki longkmie bad ban pynlong ia ki prokram ia ki skul shaphang ka um, ka jingkhuid jingsuba.
 ka la mynjur ia ka ram kaba $125 million ban nang pynbun ia ki jingtei ha sor, ban pynkhlain ia ki lad ialeh pyrshah ia ka jingkylla ka suinbneng, bad ban pynbha ia ka jingshakri ha ki 6 tylli ki nongbah jong ki District ka Assam bad ka nongbah Guwahati.){kind=link}