Shillong, Naitung 10 : Ka Meghalaya High Court ha ka sngi Thohdieng kala pynwai ia ka mukotduma halor ka jingpom jaka khun kali (median opening) ha surok NH-27 ha Khanapara-Jorabat, haba bthah ia ka National Highway Authority of India (NHAI) ba kan peit pyrrkhing bha khnang ban khanglad ia ka jingpom jaka khun kali ba khlem ioh jingbit.
Ia kane la hukum da ka Iingkashari u Justice HS Thangkhiew haba shong bishar ia ka mukotduma bala ujor da ki nongshongshnong ka Jorabat bad Khanapara.
Ka mudui ka tynjuh pyrshah ia ka jingkhang ia ki jaka khun kali da ki bor Sorkar ka Assam bad kyntu ba kino kino ki jingpynkylla ki dei ban wan da ka jingai jingbit ka NHAI.
U nongiasaid ain ka NHAI, A Duarah, ula pyntip ha Iingkashari ba kane ka kam kala kylla long ka bym donkam shuh namar ia ka jaka khun kali ha CRPF gate No 1 bad Gate-2 lah plie biang mynta.
Hynrei u nongiasaid ki nongmudui S Sen ula kdew ba ka jingplie ia ki jaka khun kali ba khlem ioh jingbit hajan ka Montfort School bad Jorabat Police Station ki dang don, ia kaba la leh ba la leh da ki Pulit Assam khlem ka jingai jingbit ka NHAI.
Ula kdew ia ka Work Manual 2006 jong ka NHAI , kaba donkam ban khang mardor ia ki jaka khun kali ba khlem ioh jingbit bad ban leh eiei pyrshah ia ki agency kiba donkti.
Ka Jylla, kaba la mihkhmat da u AAG ND Chullai, kala mynjur ba kino kino ki jingpynkylla ia ki jaka khun kali ka dei ban iaid kat kum ki kyndon treikam ka NHAI bad dei ban leh ruh da ka jingtip jong u Superintendent of Police ka District.
Haba pynwai ia ka mukotdma, ka Iingkashari ka sngew ba ki jingpom jaka khun kali ba khlem ioh jingtip ka dang dei ka mat kaba sngewkhia. Kala bthah ia ka Regional bad Project Office ka NHAI ban peit thuh pyrrkhing bha bad ban tehlakam ia ki jaka khun kali ha surok NH-27.
 ha surok NH-27 ha Khanapara-Jorabat, haba bthah ia ka National Highway Authority of India (NHAI) ba kan peit pyrrkhing bha khnang ban khanglad ia ka jingpom jaka khun kali ba khlem ioh jingbit.){kind=link}