Shillong, Nailar 14 : Ka Iingkashari District & Session Judge ka West Jaintia Hills NA Khan, kala hukum ban set shirta jingim ia u Patrick Dkhar ha ryngkat ka kuna ba T.5000 namar ka jingdonkti ha ka kam pyniap briew ha u snem 2010.
U Patrick Dkhar ula shah pynngat hapoh ka kyndon 302 IPC bad la ong ba lada um lah ban siew ia ka kuna, une u runar un hap ban shong phatol sa shibnai.
Kane ka case kala sdang da ka ejahar bala mudui ha ka 9 tarik Jymmang 2010 da ka kong Bil Lamare, ka hynmen jong u briew ba shah pyniap Rosingmon Lamare, haba kynnoh ba une u para jong ka, ula shah pyniap ha Barato ha ka 8 tarik Jymmang 2010 hala u jong u Kynum Interly Talang bad u Patrick Dkhar.
Ia kane ka case la register ha Jowai Police Station hapoh ka kyndon 302/34 IPC bad la tohkit da u SI W Vaiche.
