Shillong, Jylliew 23: Ka Iingkashari u Special Judge (POCSO Act) ka East Garo Hills, kala hukum ban set along haduh 5 snem bad ka kuna ba T. 10000 ia uwei u Pulit langrut uba jrong kti bad leh khlem akor ia iwei I Khynnah ba dang 8 snem ka rta.
Kane ka kam bymman kala jia khyndai snem mynshuwa bad ia kane ka hokum jong ka IIngkashari la pynmih ha u bnai bala lah hadien baka Investigation Officer jong ka Women Police Station kila aiti ia ka chargesheet pyrshah ia une u Pulit.
Ha ka 24 tarik Kyllalyngkot 2013, la ujor ejahar pyrshah ia une u Pulit langrut u Ajaybirth Ch Marak jong ka Unarmed Branch ka East Garo Hills namar ka jingjrong kti ia iwei I Khynnah ba dang 8 snem ha ka iingsah jong i.
Ia une u Pulit la ioh ban kem tang hadien khyndiat sngi bad la pynngat ia u hapoh ka case POSCO bad naduh kane hi ka por, ula shah set ha along ha Wiliamanagar Jail.
