Tura, Naiwieng 13 : U Myntri Rangbah ka Jylla Conrad K Sangma ha ka sngi Thohdieng, ula pynbna ban sa ai ia ka iingskul ba thymmai bad ka stadium ia ka shnong Bhaitbari, West Garo Hills, haba plie ia ka lympung ba-ar jong ka PA Sangme Memorial Footbal Tournament ha ka madan iingskul BM Model School.
U Myntri Rangbah ula ong ba ia kane ka jingkular yn sa pynsted noh shaid shaid hadien ka jingiakren bad ki Heh Ophisar lem bad ki nongialam ka Shnong, hadien ba pyndep ia baroh ki jingdonkam.
Ia kane ka lympung ialehkai, la pynlong kum ka jingkynmaw burom ia u Speaker barim ka Lok Sabha bad Myntri Rangbah barim Purno A Sangma, kaba la kyrshan lang da ki nongshongshnong, kiba la synniang haduh T.20 lak sha ka seng.
U Conrad ula ai khublei ia ki paidbah ka Rajabala, khamtam ia u Myntri barim Abdus Saleh, namar ka jingshimkhia ban pynlong ia kane ka lympung ialehkai. Na ka bynta ka Kmie bad ki bahaiing hasem, ula pynpaw ia ka jingsngewnguh ia ki nongpyniaid kiba la kynmaw ia u Kpa ha ka por a u dang im.
Haba iathuh ia ka jingiaid lynti u Purno ha ka sain pyrthei, u Myntri Rangbah ula ong ba la iathuh ia u ba u Kpa ula pynlong ia ka jingialang ba nyngkong ha ka jingialap elekshon na kane ka juh ka jaka ha u snem 1977, ha ka por ba u iakhun ia ka elekshon ba nyngkong eh.
Ula kren ruh halor ka jingieid ia ka phutbol ha ka thain, haba pynkynmaw kumno u Saleh ula iathuh ia u b aka tnum jong ka Iingskul kala jot ym namar ka jingsniew ka suinbneng hynrei namar jong ki nongpeit kai phutbol kiba la kiew ban ioh peit ia ki jingialehkai.
Kine kiei kiei, u ong, ki pyni ia ka jingpawnam ka phutbol ha ka thain bad ka pyni ia ka jingdonkam ba hap ban don ia ki madan bad jaka shong kiba biang na ka bynta ki nongpeitkai.
U Conrad ula iathuh ba ka Sorkar Jylla kala trei mynta ia ki kam ban pynbun ia ki madan ialehkai, bad ia palat 50 tylli ki madan artificial turf la shna mynta ha kylleng ka Jylla, kynthup ki jaka lum.
U iathuh ba ka Sorkar kala shna ruh ia ka football stadium ha Shillong kaba don ia ki jaka shong kumba 40,000 ngut ki briew.
Ha kane ka sngi, u Myntri Rangbah ula kyntu ruh ia ki nongshongshnong ban pyntip ia ki jingeh bad ki jingai jigmut jong ki lyngba ka CM Connect helpline 1971. U iathuh ba ki phone call bala ioh pdiang na ka CM Connect la khmih da ki Ophisar bad ki dei kiba lah ruh ban bishar da ma u hi shimet ban buddien mardor.
