Shillong, Lber 26: Ka Iingkashari Special Judge (POCSO) ka Ri-Bhoi District, Nongpoh, ka la hukum ban set along haduh hynriew snem ia uwei u rangbah ba la 60 snem ka rta namar ka jingleh beijot kawei ka khynnah ha u snem 2015.
Une u briew uba la shah rai pynrem ha ka ain u dei uba la tip kyrteng kum u Md. Nasir Khan ba sah ha 9th Mile, Baridua.
Ka kashari ka la pynngat ruh da ka kuna kaba ₹20,000 hajar hapoh ka kyndon 9(n)/10 jong ka POCSO Act ha kaba ïadei bad ka Khanapara PS Case No. 33(08)2015, kaba la register hapoh ki kyndon 4/6/10 jong ka aiñ POCSO, ryngkat bad ka kyndon 377 jong ka IPC.
Lada um siew ia kane ka kuna ba la buh, un hap ban shah set phatok shuh shuh sa kumba shibnai, katkum ka rai jong ka iingbishar.
