Shillong, Naiwieng 04 : Ka Iingkashari Meghalaya High Court kala bthah ia ka National Highway Authority of India (NHAI) ban trei pyndep noh ia ka surok bas ah jong ka National Highway-6 hapoh ka 15 tarik Naiwieng, 2025.
Ia kane ka hukum la pynmih ha ka sngi Ba-ar, da ka Division Bench ba kynthup ia u Chief Justice Soumen Sen bad Justice H.S Thangkhiew haba shong bishar ia ka PIL bala mudui da u (L) Kynjaimon Amse.
Ka Iingkashari kala shim jingthoh ia ka kaiphod jinglong jingman bala ai da u Project Director ka NHAI, bad bthah ia ki liang mamla kynthup ia u Amicus Curiae, ba kin pynlong ia ka jingia jurip lang ia ka jinglong jingman ka surok ha lane hadien ka 15 tarik Naiwieng, 2025.
“Ha lane hadien ka 15/11/2025, dei ban pynlong ia ka jingiajurip lang da ki kynhun liang mamla kynthup u Amicus Curiae bad ia ka kaiphod dep ban aiti ha ka sngi ba shong bishar biang” ong ka hukum haba bthah ban buh bishar biang ia kane ka kam ha ka 26 tarik Naiwieng.
U Amicus Curiae S Panthi, ula pyntip ba ka jinglong jingman ka surok ka dei ka ban dang pynbha, ha kaba katto katne ki bynta ki dang don da ki thliew.
Ka iingkashari kala ai jingmynjur ban nang siew shuh shuh sa T. 15,000 sha u Amicus Curiae.
 ban trei pyndep noh ia ka surok bas ah jong ka National Highway-6 hapoh ka 15 tarik Naiwieng, 2025.){kind=link}