Shillong, Lber 19: Ka National Health Mission (NHM) hynne ka sngi Ba-ar kala rakhe ia ka World TB Day halor ka phang pdeng ‘Hooid ngi lah ban pynduh iaka jingpang TB’.
Ha kane ka sngi, la plie ruh iaka C&DST Lab hapoh ka R. P. Chest Hospital Shillong da u Director ka NHM u Ramkumar S ha ka jingdon lang Dr. F. V. Kharshiing, DHS, MCH&FW cum Joint MD, NHM, Dr. J. Kharwanlang, State Tuberculosis Officer bad Dr. B. Shanpru, District TB Officer ka East Khasi Hills, ki nongtrei ka R. P. Chest Hospital bad kiwei kiwei.
Haba kren ha kane ka sngi, u Ramkumar ula ong baka Sorkar Pdeng bad ka Sorkar Jylla ki don ka thong ban rat dyng khong bad ban pynduh jait iaka jingpang TB daka ba kyntu iaki paidbah ba ki wan shakhmat ban eksamin ialade.
U Ramkumar ula ong ba ka long ka ba donkam ban shimkhia iaka jingpang TB namar ki don ki lad ban pynkhiah ia kiba don ia kane ka jingpang.
Ula ban ba ka long kaba donkam ruh ban don ki jaka eksamin lane ki Screening Center ha man ki shnong daka ba iatreilang bad ki village health council bad ki bor sumar tynrai ban pynthikna ban rat dkhong iaka jingpang TB.
Naka liang ka State Tuberculosis Officer, ka Dr J. Kharwanlang kala pyntip ba ha u snem 2022 ki don 4974 ngut kiba ioh jingpang Tb bad ha u snem 2023 ki don 4812 ngut.
La iathuh ruh ban aka 1 lak ngut, la eksamin 646 ngut ha u snem 2021 bad haduh 1433 ngut la eksmain ha u snem 2023.
Kala ong “Ka tnat ka koit ka khiah ka nang pynbun shuh shuh ban eksamin bad la eksamin 130 naka 1 lak ngut ha u 2022 bad 124 naka 1 lak ha u 2023 bad katkum ka kaiphod ka pyni baka jingpang TB hapoh ka Jylla kala sdang hiar”.
Ha kane ka sngi, la plie iaka C&DST Lab naka bynta ban pynkhlain shuh shuh iaki lad jingiada naka jingpang TB.
Kum shi bynta ban bud ryntih iaka jingbthah ka National Tuberculosis Elimination Programme (NTEP), la seng bun tylli ki Lab ha baroh kawei ka Jylla bad kine ki Lad ki ai jingmyntoi kum ka Culture and Drug Susceptibility Testing (C&DST) bad ka DRTB (drug-resistant TB) naka bynta kiba ioh jingpang
