Shillong, Risaw 11: U Chief Executive Member (CEM) ka Khasi Hills Autonomy District Council (KHADC) bah Pyniaid Sing Syiem bad ki Heh Ophisar ka World Bank, hynne ka sngi Balang, kila leit iuhkjat hapoh ka Ophis u Syiem ka Hima Mylliem kaba don ha Mawkhar Shillong.
Ia u CEM bad iaki heh ka World Bank la pdiang burom hi da u Syiem ka Hima Mylliem u Paiem Ainam Manik Syiem haka jingdon lang ki Myntri bad ki nongtrei ka Hima.
Kane ka jingleit u CEM bad ka World Bank ka long eh na ka bynta ban iakren halor ka KHAD (Solid Waste Management) bala mynjur da u Lat ka jylla, ban wanrah ka jingkhuid jingsuba khamtam ha Iewduh kaba la khmih daka ophis Hima Mylliem.
U CEM ula ong ba ka KHAD (Solid Waste Management) ka kdew shai ba donkam ka jingiatreilang hapdeng ka District Council, ka Hima Mylliem, ki shnong bad ki para nong shong Iew ban wanrah ka khuid ka suba daka ba pyntrei hok iaka Solid Waste Management.
U bah Pyniaid u la ong, kum shi bynta ban sdang pyntreikam iaka ain Solid Waste Management, ka District Council kala sdang ban sam kali kit nuit sha ki katto katne tylli ki shnong bad kane ka jingsam kali kit nuit kan dei sha kumba 20 tylli ki shnong kiba hap haka jingkhmih ka council.
Ula ban ba kane kam kut tang katne hynrei ka Council ka kwah ban buh ruh ka thong ha ka ban lah ban pynkylla dur biang sa shisien ia ka Hima Mylliem kaba peit ba khmih ia kane ka Iew tynrai ka Iewduh.
 ka Khasi Hills Autonomy District Council (KHADC) bah Pyniaid Sing Syiem bad ki Heh Ophisar ka World Bank, hynne ka sngi Balang, kila leit iuhkjat hapoh ka Ophis u Syiem ka Hima Mylliem kaba don ha Mawkhar Shillong.){kind=link}