Shillong Risaw 11: Ka Khasi Students Union (KSU) East Jaintia Hills District, ha ka sngi Balang ka la leit pan jingshai na ka Ophis u Deputy Commissioner ban tip ba haduh katno ka NHAI kala pyniaid ia ka kam maramot ia ka surok NH-6 kaba la jot rathai.
Ka KSU hapoh ka jingialam u samla Streamly N Suchen, kala aiti da ka jingthoh sha u Deputy Commissioner, ia kaba la ai ha ka kti jong u Additional Deputy Commissioner ba un pynpoi sha u khliehduh ka District.
Kat kum kane ka shithi, ka seng ka iathuh ia ka jingshem ba ka jingslem ban maramot ia ka surok ka long namar ba ka NHAI kala khot tender tang ban maramot ym ban shna pynbha shuh shuh. La ong ba ha baroh kine ki arsien, tang uwei u briew uba thep kyrteng ban iakhun.
Ka KSU-EJH ka tip shai bad pynkynmaw ruh ba ka jingslem ka dei ruh namar ka daw ba bun ki heh Ophisar ka NHAI kila shah thep phatol halor ki jingkynnoh bamsap bapher bapher.
“U Myntri Rangbah ka jylla ula khot iakren ia ki Heh ka NHAI bad ka lah don ruh ka jingjurip ia kane ka surok bad ki nongmihkhmat ka East Jaintia ha ki sngi ba lah leit, hynrei ki dak ki shin kim shym la paw eiei ban maramot noh ia kane ka surok” ong ka KSU.
Namar kane, la ong ba ka seng ka kwan ban kren shai ba lada long ha kano kano ka dur ruh, ka kwah ban ioh noh ia ka surok kaba bha.
“Ka seng bad u paidbah kim tip ia kita ki jingeh ba don hapoh hynrei ka sorkar kadei ban sdang ban wad ki lad ki lynti mar mar khamtam ha kane ka por ba dang ailad ka pyrthei ban trei” kala ong.
Ka seng kala maham ruh ba dei ban pyntrei kloi noh ia kane ka surok ioh kan klang ka ding jong ka jingiakhih.
 East Jaintia Hills District, ha ka sngi Balang ka la leit pan jingshai na ka Ophis u Deputy Commissioner ban tip ba haduh katno ka NHAI kala pyniaid ia ka kam maramot ia ka surok NH-6 kaba la jot rathai.){kind=link}