Tura, Nailar 15: Lai ngut ki briew kynthup ia kawei ka kmie bad i Khun shynrang, kila iap na ka jingwan hiar thma jong ki hati khlaw ha ki thain Pedaldoba, West Garo Hills.
Kane ka jingjia kala jia ha ma shnong Kurung ha ka por 2 baje mynstep ha kaba ki hati khlaw kiba don bun tylli kila wan rung sha shnong ban wad bam haduh ba bun ki nongshongshnong kila hap ban phet nala iing hapdeng ka jing dum ka miet.
La ong ba ki hati kila kthong bad tur beit beit sha kane ka kmie bad i khun ba 5 snem kiba dang phet hapdeng ka jing tieng ban wad jaka rieh. Kine baroh shikmie shikhun kata ka Sarati Lama ba 32 snem bad u Khun Suchit Biswakarma kila shah iuh ha kine ki hati khlaw haduh ban da iap.
Kine ki hati khlaw kila kyrdem ruh ia uwei u rangbah ba 40 snem ka rta u Bhim Bh Roy ha kane hi ka shnong.
Kane ka shnong ka dei kaba don ha khappud ka Assam bad ka dei ka jaka ba iaid lynti ki hati ha kine ki khyndiat sngi bala leit noh, ong ki Ophisar ka Wildlife.
