Shillong, Nohprah 14 : Ki bor District ka East Jaintia Hills kila hiar pynpra phom ia ki hynniew napdeng ki khatwei tylli ki karkhana coke ba treikam khlem jingbit haba bud ryntid ia ki kyndon iada mariang bad ki hukum ka Iingkashari.
Ha ka kyrwoh video bala pynmih ha ka sngi U Blei, u Deputy Commissioner ka EJH Shivansh Awasthi, ula pyntip ba ka kynhun iatreilang kynthup ki Nongtrei ka Meghalaya State Pollution Control Board bad ka tnad Pulit, kila pynpra phom ia ki 7 napdeng ki 11 tylli ki karkhana coke ba treikam khlem jingbit, katba ia ki 4 tylli la shem ba ki trai kila dep ban pynpra dalade.
Ki don haduh 16 tylli ki karkhana coke bala ithuh ba ki treikam khlem jingbit bad 5 tylli ki dei kiba la dep pynpra kham hashuwa.
Ki bor Disrrict kila phah ia ka notice sha ki 11 tylli kiba dang sah naduh u bnai Risaw 2025 haba dawa ba ki dei ban bud ryntih ia ki kyndon ba ki hap ioh ia ka jingbit bad jingithuh.
“Namar kam shym la don kano kano ka jubab, ka kynhun kala pyniaid shakhmat bad ka jingpynpra ia kine ki karkhana ha ka 13 tarik Nohprah 2025” ong u Awasthi.
Ki 16 tylli ki karkhana coke ki dei kiba la pynieng khlem da ioh ia ki jingbit kat kumki kyndon bala buh ha ki jingpynbna (notification) jong ka Sorkar.
Hadien ka jingpynpra ba hynnin ka sngi, baroh ki 11tylli kikarkhana coke ki bym pat ioh jingbit,mynta kim lah treikam shuh, pynthikna u Deputy Commissioner.
