Shillong, Naiwieng 17 : Ka Public Accounts Committee (PAC) jong ka Iingdorbar Thaw Ain ka Jylla, ha ka sngi Nyngkong, kala pynlong ia ka jingleit jurip bad shong bishar kam halor ka rukom pyntreikam ia ka Megha Health Insurance Scheme (MHIS) ha ki saw tylli ki Hospital ba paw ka nongbah Shillong.
Kane ka kynhun kala leit jurip ha Civil Hospital Shillong, Ganesh Das Hospital, ka North Eastern Indira Gandhi Regional Institute of Health & Medical Science (NEIGRIHMS) bad ha Super Care Hospital.
Kane ka kynun kala lum jingialang ruh bad ki bor pyniaid jong ki Hospital lem bad ki nongtrei ba khmih ia ka MHIS ban lum jingtip ia ka rukom pyniaid ia ki kam, ki jingshem jong ki nongioh bynta, ki jingeh ha ki rukom treikam kiba ktah ia ka jinglah ban pynpoi hok ia ka skhim.
Ia kane ka kynhun la ialam da ka MLA ka Ampati kum ka Chairperson ka PAC ka Miani D Shira, ha ka jingiadonlang ki dkhot ba kynthup ia u MLA ka Umsning Dr Celestine Lyngdoh, MLA ka Mawlai Brightstarwell Marbabiang, Rupa M Marak bad u Nongai buit ka PAC Bah HM Shangpliang.
Ka Chairperson kala pynpaw ba ia kane ka jingjurip la pynlong na ka bynta ban ioh ia ka jingsngewthuh ba thikna ba kumno la pyntreikam ia ka MHIS ha ki hospital ka Sorkar Jylla, ka Sorkar Pdeng bad ki hospital shimet.
Kala pynpaw ba watla ia ka skhim ka long kaba bniah ha ka jingpynwandur, ki hospital ki dang iai bteng ban iakynduh ia ki jingeh ha ka rukom pyntreikam kaba ktah beit beit ia ka jingai jingshakri.
Ka PAC kan sa lang lum ia ki jingshem bad sa aiti ia ki jingai jingmut sha ki Tnad ba dei khmih ba kin nang pynkhlain bad pynsuk ia ka rukom pyntreikam ia ka MHIS.
 jong ka Iingdorbar Thaw Ain ka Jylla, ha ka sngi Nyngkong, kala pynlong ia ka jingleit jurip bad shong bishar kam halor ka rukom pyntreikam ia ka Megha Health Insurance Scheme (MHIS) ha ki saw tylli ki Hospital ba paw ka nongbah Shillong.){kind=link}