Shillong, Naitung 29 : Ka Khasi Students’ Union (KSU) ha ka miet sngi Nyngkong, kala pynlong ia ka jingkhynra ba kynsan kynsan ia ka ktem sah be-ain ki mynder kaba don hajan ka Parking lot ka Paltan Bazaar (Contonment) bad ha kane ka jing khynra, ka seng kala ioh kurup ruh ia ki jingdih buaid kynthup ia u droks bad u ganja nalor kiwei kiwei.
Kane ka ktem sah be-ain jong ki mynder ka dei kaba don markhap ka shnong Mawbah bad Nongsohphoh, Upper Mawprem.
Ha kane ka jingkhynra, ki dkhot ka KSU kila lap ba ki don palat 50 ngut ki briew kiba sah beain ha katei ka jaka da kaba shna ia ki iing ba shu ker malu mala da ki plywood bad ki synduk kot bad kaba i kum ka slum bah, ka bym don satia ia ka painkhana.
Kat kum ka kyrwoh na u Information & Publicity Secretary samla Pynshai Rani , kine ki 50 ngut ki briew ki kynthup ia ki nongkhaii droks, ki nongkhaii ganja bad ki nongbylla be-ain ba khlem kot khlem sla.
U iathuh ba ka KSU kala pynher krad syndon ia kine ki briew bad kala phah lum phah lang ia ki tiar ki tar ba kin mih noh na katei ka jaka bad hadien, kila pynpra syndon ia baroh ki iing bala shna beain.
Une u Nongialam ka KSU ula kynthoh ba ka jingtlot bad ka jingbum don ka ain kaba paka ban khanglad ia ki poi wir, kan buh jingma kaba khraw ia ka Jaidbynriew kaba dang rit paid. “Ki poi wir kila ioh mon ban rung laitluid khlem ki nongpeit nongjngoh la kine ki briew ki dei kiba kumno bad ki wan naei? Hato ka Bri u Hynniewtrep ka dei ka jaka rieh tngen mo jong kiwei pat ki Jaidbynriew kiba la sakma….hato ngin shu pdiang mo ba kan shu kylla long ka jaka bret ia ki briew na kiwei pat ban shu wan shong thap ha ki shnong ki thaw jong ngi” ula ong.
Haba kyntu ia ka Sorkar Jylla ba kan kyndit bynriew shuwa ba ka por kan dier, une u Nongialam ka KSU ula ong “ Pyntrei kam kloi kloi noh ia ka ILP khnang ba ka Umsaw jong ki mynder kan nym wan tyllep da kine ki ba wan shong wir wan shong thap.Lada kuman bad leh mynthi,sa shim hi ka sorkar ïa ka jingkitkhkieh ,lada ki kynrum kynram kin jia”.
 ha ka miet sngi Nyngkong, kala pynlong ia ka jingkhynra ba kynsan kynsan ia ka ktem sah be-ain ki mynder kaba don hajan ka Parking lot ka Paltan Bazaar (Contonment) bad ha kane ka jing khynra, ka seng kala ioh kurup ruh ia ki jingdih buaid kynthup ia u droks bad u ganja nalor kiwei kiwei.){kind=link}