Nongstoin, Jymmang 19 : Ka Hynniewtrep Youth Council (HYC)-West Khasi Hills, hynne ka sngi U Blei, kala hiar ban khynra drok ha Iew Nongstoin bad ha ki Prak kiba don hapoh ka thain namar ka jingioh jingujor ba jyllei ki kam khaii droks ha kine ki jaka.
Ka Seng kala ioh jingujor na ki paidbah ba ka jingkhaii droks ka jur bha ha ka sngi U Blei ha kitei ki thain.
Ha kane ka jingkhynra, haduh phra ngut ki briew kiba suba nongkhaii droks, kila phet krad mar syn iohi ia ka jingkhynra hynrei ka Seng kala ioh ban kurup ia ki katto katne ki droks ba la ieh shadien da kitei ki briew.
Ka Seng kala thang noh ia kine ki droks.
Ha kajuh ka por, ka Seng ka pynpaw ia ka jingsngew diaw halor ka jingshek ba wat ha ka Sngi U Blei, ki kam jakhlia ha Iew Nongstoin ki jyllei bha ym tang ha ka kam khaii droks hynrei ki kam khalai, khaii met bad ka iadih kyiad.
