-->

Hiar jurip u Myntri Khynnah ia ki project ka Sorkar Pdeng ha WKH

Date:

Share post:

Nongstoiñ, K’lyngkot 12: U Myntri Khynnah ka Ministry of Coal & Mines Satish Chandra Dubey, ula hiar leit jngoh ia ka jingtreikam jong ki project kam pynroi bapher bapher jong ka Sorkar Pdeng, kiba pyntrei ha West Khasi Hills District.

Ia kane ka jingjurip la pynlong arsngi kata ha ka 10 bad 11 tarik Kyallyngkot bad ia u Myntri la synran da u Officer on Special Duty (OSD) Akhilesh Kumar Pander bad u Hridyesh Dwivedi.

Ha kine ki arngut, u Satish Chandra Dubey ula leit jurip ia ki katto katne ki project ba kynthup ia ka Anganwadi Centre ha Nongstoin, ka surok Nongstoin-Wahkaji, Nongstoin-Rambrai, ka project sam um ha Sohwanthiang, ka Jal Jeevan Mission ha Khyllem Tiehsaw, ka jaka jngohkai ha Mawphanlur, ka MGNREGS bad PMAY ha Sohpian.

Hadien kane, ula lum ruh ia ka jingialang ha Conference happ ka Ophis u Deputy Commissioner bad iakren halor ka jinglong jingman bad ka jingiaid jong ki kam pynroi hapoh ka District.

Ki Ophisar ka District kila ai shibun ki jingai jingmut haba iadei bad ki project kiba dang iaid bad kiba la pyndep.

U Satish u la pynpaw ia ka jingdonkam ban pyntreikam hok, ban pyndep ha ka por kaba biang, bad ka jingiatreilang hapdeng ka Sorkar Pdeng bad ka Sorkar Jylla ban ioh ia ka jingmyntoi kaba heh tam na ka bynta ki paidbah.

Share post:

-->
spot_img

Popular

More like this
Related

Khynniuh u jumai ha Ri-Bhoi District

Shillong, Risaw 4: U jumai uba khlain 3.2 ha...

Mild quake jolts Meghalaya’s Ri Bhoi district

Boko, Oct 4: A mild earthquake measuring 3.2 on...

Kem ka ANTF ia 3 ngut ki suba nongkhaii droks na Lamavilla

Shillong, Risaw 04 : Ki Pulit ka ANTF ha...

Three persons arrested with 10.5 grams of heroin

Shillong, Oct 4: The Anti-Narcotics Task Force(ANTF) apprehended three...