Tura, Naiwieng 08 : U Myntri Rangbah ka Jylla Conrad K Sangma, ula leit jurip ia ka Additional Secretariat Complex, Tura ban peit ia ki kam kiba dang don ha ka jingpyntrei bad ruh ban iashimbynta ha ka jingiaseng Duwai ban tei ia kane ka Additional Complex ha Dakopgre, Tura.
Kane ka jingialang ka dei ka jingsdang ban pynieng ia u paia ba nyngkong jong kane ka Complex kaba dei u mawmer ba khraw ha ka jingpyrshang jong ka Sorkar ban pynkhlain ia ka jingshakri jong ka Sorkar ha ri-lum Garo.
Haba kren ha ka jingialang, u Myntri Rangbah ula ong “Ngi la wan hangne ha ka jaka ha Tura kaban ieng ka Additional Secretariat. Kane ka dei ka sngi kaba kongsan ha, namar ngi la buh ia u maw nongrim ia kane ka project. Nga ai khublei ia ki nongiala niam, kiba la pynlong ia ka jingdawai ia ka jingbuh ia u mawnongrim. Ka Additional Secretariat ka dei ka jingtei kaba kongsan bha ia ki paidbah ka Jylla bad khamtam eh ia ki paid Garo, naba kan ai ia ka jingshakri ia ki paidbah ka thain bad ka Jylla ha kiba bun ki liangki ban ai jingmyntoi”.
U Myntri Rangbah ula leit jurip ruh ia ki kam kiba dang pyntrei bad pynpaw ia ka jingsngewhun ban iohi ia ka jingiaid shaid shaid bad ka jingpyntrei janai ia ki kam.
Ha kane ka jingialang la ialam ia ka jingduwai da u Rev Dilseng M Sangma, bad la pynbud da ka jingthep ia ka syrki dewbilat da u Myntri Rangbah. La pynkut ia ka jingialang da ka jingduwai pynwai na u Dr Januarius S Sangma, Principal ka Don Bosco College, Tura.
Kiba la iadonlang ki kynthup ia u Deputy Commissioner ka West Garo Hills Vibhor Aggarwal, IAS, Superintendent of Police, West Garo Hills Abraham T. Sangma, IPS, bad kiwei kiwei ki heh Sorkar.
