-->

Hiar arsut ka Congres naduh ba mih lut ki MLA: HDR

Date:

Share post:

Shillong, Jylliew: U MLA barim ka Sohiong Constituency Bah HDR Lyngdoh ula ong ba ka jinghiar arsut jong ka Congress hapoh ka Jylla ka dei kaba la jia naduh ba phet ki 12 ngut ki MLA sha ka All India Trinamool Congress (AITC) bad ka jingsospon ia ki 5 ngut kiwei pat.

U Bah HDR Lyngdoh uba la long teng u Myntri kam pohiing ka Sorkar Jylla, dang shen ula mih noh na ka Congress da ka ijinghtmu leit ban ialade sha ka party riewlum, ban long u kyrtong ban ai iareng ha ka elekshon MLA 2023 na Sohiong Constituency.

Haba iakren bad ka Skhlem, u Bah Lyngdoh ula ong “Da ka jingbynnud nga la shim ia ka rai ban mih noh na ka Congress kaba la plie lad ia nga ban don ha ki kyrdan bapher bapher ha kine ki phew snem ba nga don ha ka kam shakri paidbah. Hynrei nga hap sngap ia ka sur jongki nongkyrshan kiba pynsngew ha nga ba nga dei ban mih noh na kane ka party kaba rim duh hapoh ka Ri”.

Haba kylli, u Bah Lyngdoh ula ong, ka jinghiar arsut jong ka Congress na ka jingphet ki MLA, ka dei ka dawbah ba pynlong ia kiNongkytshan jong u ban syier jingmut. “Ki don bun ki nongialam jong nga kiba la pynpaw ba ka Congress kam I don jingkyrmen shuh bad ba la donkam kyrkieh ban pyrkhat thymmai” ula ong.

U Bah Lyngdoh u pyntip ba ha ka 4 tarik Jylliew, ki Unit jong ka Congress ha Sohiong kila shim ia ka rai kaba khatduh ban mih noh na ka party bad ban leit pyniasoh sha ka party riewlum.

Watla une u MLA barim ula kyntait ban iathuh ia ka party thymmai kaba un leit pyniasoh hynrei na ki khubor ba ioh lum, la iathuh ba u Bah Lyngdoh un sa pyniasoh ialade sha ka United Democratic Party (UDP), ka party riewlum ba hehduh hapoh ka Jylla.

Share post:

-->
spot_img

Popular

More like this
Related

Lashai yn bishar u Magistor halor ka jingkynnoh lum pisa beain ki Pulit ha surok NH-Diengpasoh

Shillong, Naiwieng 15: U Majistor ka East Khasi Hills...

Kyrpad ka Sorkar Jylla ia ka JPC ban pynjem ia ki kyndon ka FCRA ba ktah ia ki kynhun Khristan : Tynsong

Shillong, Naiwieng 15 : Ka Sorkar Jylla kala kyrpad...

Khot u Myntri kam jngohkai ia ka JAC ban iakren biang | Wan da ka jingkloi ban sngap ym da ka jingbitar

Shillong, Naiwieng 15 : U Myntri kam Jngohkai Bah...

Ka Meghalaya Mental Health Policy 2022 ka model ia ki samla riewlum : James Sangma

Shillong, Naiwieng 14 : U MP ka Rajya Sabha...