Shillong, Iaiong 21 : Katba ka pyrthei ka dang sngewsih halor ka jingkhlad noh jong u Pope Francis, ka jingmut jingpyrkhat ka phai mynta sha u Nongialam ban wan jong ka Balang Catholic. Katkum ka jingong jong ki nongpeitpyrman bad ki nongbuh jingthoh jong ka Vatican, katto katne ngut ki cardinal kiba paw kyrteng kum ki kyrtong kiba lah ban long u Pope uba wan. Uwei pa uwei u don ia la ka tynrai kaba kyrpang, ka kyrdan pule Theological bad ka rukom long nongialam.
Kine ki dei ki Nongsharai ka Balang kiba don hakhmat eh kiba lah ban shajied ban ialam ia ka Balang Roman Catholic.
1. Cardinal Luis Antonio Tagle (67) —
RI: Philippines
Haba iohi kum uwei na ki briew uba pawnam tam ha ka Balang mynta, ia u Cardinal Tagle la tip halor ka jinglong ba sngewthuh ia kiwei, ka jinglong sngewrit bad uba khlain ha ka liang ka iakren iakhana. U la long u nongiasaid ba radbah na ka bynta kiba duk bad u briew uba kongsan ha kaba tei ia ki jingkieng hapdeng ki kolshor bad ki niam.
2. Cardinal Pietro Parolin (70) —
Ri-Italy
U Cardinal Parolin u shakri mynta kum u Sekretari jong ka Vatican, bad u dei u diplomat uba la ih bha bad uba la shem phang ia ka kam pyniaid Balang da ki phew snem . Ka Jingsngewthuh jong u ia ka sain pyrthei jong ka pyrthei bad ka jingiadei ba khlain hapoh ka curia kala pynlong ia u kum u briew ba hakhmat eh ban shah jied kum u Pope ban wan.
3. Cardinal Jean-Marc Aveline (66) —
Ri: Franc
U riewstad niam bad u nongpynkhih iaki jingïakren hapdeng ki niam, u Cardinal Aveline u ioh ia ka burom na ka bynta ka jingtrei jong u bad ki briew ba shah iehnoh beiñ. Ka jingnang jingstad jong u bad ka jingshemphang ha ka kam pastor ka lah ban lam ia u sha ka jingshah jied kum u pope.
4. Cardinal Willem Eijk (71) —
Ri: Netherlands
U Cardinal Willem Eijk u dei uba la tip ia ka jingbat ia ka jinglong tynrai jong u ha ka liang ka niam, bad u dei u briew ba ju kren bha ban iada ia ki jinghikai tynrai jong ka Balang.
5. Cardinal Malcolm Ranjith (77) —
Ri: Sri Lanka
U Cardunal Ranjith u dei uba la ithuh kum u nongialam uba skhem bad uba shemphang bha bad ula shakri ha kiba kam bapher bapher hapoh ka Vatican bad hala ka jong ka Ri. Ka jinglong nongialam jong u kum u pastor bad ka jingpynshong nongrim kaba jylliew ha ka jinglong mynsiem ka la pynlong ia u ban ioh ia ka jingburom kaba khraw na kylleng sawdong.
6. Cardinal Robert Sarah (79) —
Ri: Guinea
Kum uwei na kiba ju kren ia ka sur tynrai ha ka college ki Cardinal, u Cardinal Sarah u dei uba baroh ki phaikhmat ia ka jingaiti lut jong u ha ka jinglongkhuid ha ka jingmane bad ka jingiada jong u ia ka niam Catholic kaba rim.Wat la u don ha ka rta kaba heh tam, hynrei ka jingkhlain ha ka jingmut pyrkhat bad ka jingdon ia ka kynja mynsiem ba jylliew bha jong u ka dei kaba la dang don ka jingktah.
Ka jingialang ban jied ia u Pope ka ju sdang hapdeng 15 bad 20 sngi hadien ka jingiap jong u Pope. Kane ka por ka ailad ia ki jingleh niam haba leit ontep, ka por sngewsih kaba khyndai sngi ia kaba la tip kum ka ‘novemdiales’ bad ka ai por ia ki cardinal ha kylleng ka pyrthei ban leit sha Vatican City. Kaei ka ban mih yn ym pat lah ban tip tad haduh bala jied ia u Pope ha lyndet jong ki jingkhang ba la khang jong ka Sistine Chapel.
