Nongstoin, Nailar 08 : Kawei ka trok na Jharkhand, kala hap hynne ka janmiet sngi Palei shapoh kawei ka riat ha ka shnong Rwiang, West Khasi Hils bad ha kane ka jingjia, u nongbud jong kane ka trok, ula iap hashen.
Kane ka trok ba don u nombor JH04-AB-1503, ka dei kaba dang wan na Durgapur, West Bengal bad ka thmu ban leit sha kawei ka karkhana ha Rwiang.
Ki Pulit ki iathuh ba u nongbud jong kane ka trok ba kyrteng u S Kumar ba na Jharkhad, ula hap nalor ka trok ha ka por ba ka kylla bad ula shah bhen ha kane ka trok.
Da ka jingiarap ki Pulit Fire & Emergency Service, ia ka met jong une u nongbud la lah ban sei noh na kane ka jaka ha ka por 7:1o baje eiei.
Katba u Nongniah ula mynsaw jur bad la pynkit ia u sha hospital ban ioh ia ka jingsumar.
