spot_img

Hap ka liengsuin shipai hajan Bomdila ka Arunachal Pradesh, iap arngut

Date:

Share post:

Guwahati, Lber 16: Kawei ka liengsuin Cheetah helicopter jong ki shipai ka la hap noh hajan Mandala ha ki bynta sepngi ka Bomdila hapoh Arunachal Pradesh ha ka por ka dang don hapdeng ka jingleit mynta ka sngi Palei kaba la shim ruh ia ka jingim jong ki arngut ki briew.

“Kane ka liengsuin Cheetah helicopter ka dang iaid lyngba najan Bomdila, Arunachal Pradesh hadien ba ka la duh noh ia ki lad aijingtip bad ka ATC ha ka por kumba 9:15 mynstep mynta ka sngi Palei,” ong u PRO ka tnat Defence u Colonel Mahendra Rawat.

Hadien kane ka jingjia mardor santylli ki kynhun na ka tnat shipai Indian Army, SSB bad ka ITBP ki la her sha katei ka jaka ban pynlong ka jingwad.

Ia katei ka liengsuin kaba la julor la lapdien najan kawei ka shnong kaba hap hapoh Banglajaap ha ki bynta mihngi ka Mandala.

“Ngi sngewsih jur ban pyntip ba u pilot bad u co-pilot jong kane ka helicopter ki la duh noh iala ka jingim ha kane ka jingjia.Halor kane la hukum ruh ban pynlong da ka jingtohkit khnang ban pynthikna ia ka daw jong ka jingjia,” ong shuh shuh u Rawat.

Ha u bnai Risaw 2022, sangut ki shipai army ki la duh ei la ka jingim hadien ba ka helicopter shipai ka la hap noh hajan ka shnong Migging ha Upper Siang district ka Arunachal Pradesh, kata tang kumba 25 km na ka sor rit Tuting.

Share post:

spot_img
spot_img

Popular

More like this
Related

Mynjur ka Sorkar ia ka song T.83.71 klur ban khangdam noh ia ka MCCL

Shillong Nailur 12: U Symbud Myntri Rangbah ka jylla...

SPL | Pynsangeh noh u Referee ia ka jingiakhun ka Malki bad Nongrim Hills namar u slap

Shillong, Nailur 12: Ka jingiakhun hapdeng ka Malki SC...

Wanrah ka Sorkar ia ka SP ba T.333 klur ban pyntrei ia ka Secretariat thymmai bad kam pynroi ha sor

Shillong Nailur 12: Ka Sorkar Jylla kala tyrwa ia...

Employment exchange offices gives three jobs in past 3 years

Shillong, Sept 12: The Employment Exchange offices in the...