Shillong, Iaiong 29 : Kawei ka Khynnah 15 snem kaba wankai na Ferozabad, Uttar Pradesh, kala hap hynne ka sngi Balang shapoh ka kshaid Weisawdong, Sohra bad shah rong syndon ha ka um.
Kane ka Khynnah ka dei kaba wan bad ki Kmie Kpa lem bad ki bahaiing hasem ban leit peitkai ia ka jingitynnad jong kane ka Kshaid kaba la khring bha ia ki nongshangkai pyrthei.
Kane ka jingjia kala jia ha ka por 11:30 baje mynstep, ong ki Pulit kat kum ka jingpyntip jong u Sordar ka Laitduh.
Ki Pulit ki iathuh ba kane ka khynnah ka dang shondur hajan ka kshaid Weisawdong bad kala syntuid sha um bad shah rong syndon ha ka um.
Ka kynhun Search & Rescue Team (SRT), ki Pulit bad ki Fire Emergency Service kila hiar sha kane ka kshaid ban wad ia kane ka khynnah.
Kat haduh ba thoh ia kane ka khubor, ym pat lapdien satia ia ka met jong kane ka Khynnah.
