Shillong, Iaiong 30 : Ka kynhun Search & Rescue Team ka Tnad Pulit, kala ioh ban tam ia ka met jong ka Khynnah 15 snem ba wankai na Uttar Pradesh, kaba syntuid bad hap hapoh ka kshaid Weisawdong ha ka step sngi Balang.
Kat kum ka jingiathuh u Superintendent of Police ka East Khasi Hills, ia ka met jong kane ka khynnah la ioh ban tam ha ka por 11 baje mynstep bad la pynkit noh ia ka sha Sohra Hospital ban pyndep ia ka post mortem.
Kane ka khynnah kala hap sha Kshaid ha ka por ba ka dang shondur namar ka jingsyntuid ki maw. Kane ka khynnah kala wan kai na Uttar Pradesh ha ryngkat ki Kmie Kpa bad ki bahaiing hasem ban leit peitkai ia kane ka kshaid kaba la khring bha ia ki nongshang kai pyrthei na kylleng sawdong.
