Shillong, Nailar 28 : Ka Jylla kala sakhi ia ka jingwan haduh 5413 ngut ki VVIP bad VIP naduh ba kut jong u snem mang tyngka 2025-26 tad haduh une u bnai Nailar, ong u Symbud Myntri Rangbah ba khmih ia ki kam Pohiing (Police) bah Prestone Tynsong hapoh ka Iingdorbar Thaw Ain ha ka sngi Thohdieng.
Haba jubab ia ka cut motion, u Bah Prestone ula ong kiba bun ki VVIP ba wan sha Jylla ki dei kiba wan na Delhi.
“Ngi ioh ia ka jingwan ka President, Vice President, ki Myntri ka Sorkar Pdeng, ka jingwan u Myntri Rangbah Duh ka Ri, ki Lat ka Jylla, ki Myntri Rangbah ki Jylla, ki Myntri jong ki Sorkar Jylla, ki Judge jong ka High Court bad ki heh Ophisar. Kane kam dei kaba rit, kumba 5412 ngut kila wan sha Jylla. Kumta ngi sngewthuh ba ka jingpynlut ka wan hap ha ka Sorkar Jylla” ula ong.
Halor ki kyndon ban ithuh ia ki VVIP bad VIP, ula ong ba kaSorkar ka buddien pyrrkhing bha da ka Blue Book bad Yellow Book.
“hba phai sha ka Jylla, ngi la bud beit thik kat kum ka Yellow Book” ula ong.
Halor ki jingkynnoh VVIP/VIP culture, u Bah Prestone ula ong ba ka Sorkar kala pynmih ia ka SOP mynta la arbnai eiei halor ka jingpyndonkam ia ki siren bad ki kali jong ki VIP.
“Kala don ha ka jingthoh, Nga thikna ba ia ki SOP la bud pyrrkhing bha da baroh ki VIP” ula bynrap.
 bah Prestone Tynsong hapoh ka Iingdorbar Thaw Ain ha ka sngi Thohdieng.){kind=link}