Hadien shisngi, lap ki Pulit ia 3 ngut ki Khynnah ba suba shah rong um ha Chibinang

Date:

Share post:

Shillong, Jylliew 17: Ki Pulit ka Phulbari Police Station kila lap ia ki 3 ngut ki Khynnah ba jah rngai na ka thaiñ Chibinang ha ka miet sngi palei na ka shnong ba marjan hadien ka jingsuba jur ba ki la shah rong ha ka umsaw.

Kat kum ka khubor bala ioh nyngkong, ki longing na ka thaiñ Chibinang kila kam ba 4 ngut ki Khynnah kila jah rngai ha ka miet sngi palei hynrei ha ka jingtohkit jong ki Pulit, la lap ba tang 3 ngut ki don kiba jah.

Ka sor Chibiang bad ka Kalapani kaba don marjan, kila sakhi ia ka jigshlei um kaba shyrkhei ha kine ki khydiat sngi bala leit noh namar ka jingjur jong  u slap bad ka jingkiew jong ka um na ka Wah Ringe kaba la rung sha ki shnong ki thaw.

Ha ka miet sngi palei,lain gut ki Khynnah kiba dei na ka shnong Kalapani kim shym la wan phai iing shuh. Ki bahaiing hasem kila pyrshang ban iawad ia kine ki khynnah bad kila leit pyntip ruh sha ki Pulit ba kila jah rngai ha ka step kaba bud.

Ki bor Sorkar kiba khuslai halor kane ka jingjia , kila pyntip mar mar sha ka State Disaster Rescue Team kaba don ha ka thain bad kane ka kynhun kala sdang mar mar ia ka jingtohkit kaba lam ia ki sha ka shnong Bangalkata kaba don marjan bad dei ha kane ka shnong, kane ka kynhun kala lap ia kine ki Khynnah ba kila ioh jaka sah ha kawei ka Iing namar ka jingkem dum jong ka bneng.

U Superintendent of Police ka West Garo Hills u VS Rathore ula phah mar mar ia ka kynhun ki Pulit ban leit iakynduh ia kine ki Khynnah bad ban wanlam biang ia ki shala ki jong ki bahaiing hasem.

Kat kum ka jingong une u Heh Pulit “ La pyntip sha ngi ba 4 ngut ki Khynnah na Kalapani kila jah hynrei ka jingtohkit ngi la shem ba ki don tang 3 ngut. Ia kine baroh lain gut la lap da ki Pulit ka Phulbari Police Station na kawei ka Iing ba don marjan ka Shnong Bangalkata. Kine ki Khynnah kila leit ialehkai sha kane ka Shnong”.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...