Shillong, K’lyngkot 15 : U Myntri Rangbah ka Jylla Conrad K Sangma ula pynbna ba ka jingiakren pynbeit pud bad ka Assam kan sa sdang biang hadien ka elekshon ha Assam, haba pynpaw ba ka Sorkar ba mynta ka dang bunkam bad ka jingpynkhreh ia ka elekshon.
“Ka elekshon kala don hakhmut, kumta haba kren sain pyrthei hi, ka Sorkar ba mynta ha Assam kam pat don por satia ban pynlong ia ka jingiakren mynta” ong u Conrad haba iakren bad ki nongthoh khubor ha ka sngi Palei.
Ka wat ba-ar jong ka jingiakren pud ka thmu ban pynbeit noh ia ki hynriew tylli ki jaka iakajia ba dang sah ban iapynbeit hapdeng ki ar jylla, kaba la pynbud hadien ka jinglah ban iapynbeit ia ki hynriew tylli ki jaka bad pyndep ia ka jingiasoi ia ka Memorandum of Understanding (MOU) ha u snem 2022.
“Hadien bala kut ka elekshon hangtei, ngin sa sdang biang ban pyniaid shakhmat bad bteng ia ka jingiakren” ong u Myntri Rangbah.
