Nongpoh, Naiwieng 04: Ka Kyntiewlang Village Organization kaba kdup ia 7 tylli ki Self Help Group (SHg), hynne ka sngi Nyngkong, kala rakhe ia ka jingdap 4 snem ha ka jingshakri ia ka imlang sahlang hapoh ka shnong Korstep Nonglyngdoh, Ri Bhoi District.
Ia kane ka jingrakhe la pynshongkun da ka jingiadonlang u MLA ka Nongpoh Bah Mayralborn Syiem kum u kongsan, u MDC ka Nongpoh Bah Balajied Rani bad ki nongialam jong ka Village Organisation bad ki Self Help Group.
Haba ai jingkren, u Bah Mayral u la ai khublei kyrpang ia baroh ki nongialam ka Kyntiewlang VO kiba la treishitom bad kynjoh sha u mawmer ba saw snem ha ka jingshakri bad kyrshan ia ka shnong ka thaw, ka imlang ka sahlang bad ban kyntiew ruh para dkhot khlem ka jingiathew shilliang iano iano ruh.
U la ong ruh, ba kano kano ka kynhun kaba don ka jingiatylli bad ka jingia sngewthuh jingmut ban trei ia kino kino ki kam kumba la sakhi da ka jingiatreilang ka VO bad ki dkhot ki SHGs, kam long kaba eh ia kum kata ka kynhun ba kan kiew bad ban ai jingmyntoi ruh ia kiwei kiwei ki para nongshong shnong khamtam ban kot ia ka thong kumba la buh.
, hynne ka sngi Nyngkong, kala rakhe ia ka jingdap 4 snem ha ka jingshakri ia ka imlang sahlang hapoh ka shnong Korstep Nonglyngdoh, Ri Bhoi District.){kind=link}